كل من درى بهمي قال إنسي وعيشي ***وقلت كيف يعيش من فقد ياناس
نصفه
يوم قالوا لي بوفاتك وخّرت كل الناس عني***وقلت أشوفه تكفون ولو كان جثه
جيتك وقبلتك على راسك ، وبيدي***ضميتك على صدري ياهي حيييل ضمه
قالوا إبكي يمكن تنسي ماابتُليتي***قلت وخّروا عني بس بشُمّه
قالوا زيدي ثم زيدي ثم زيدي***قلت ياويل قلبي وقلبك على فرقاه يُمّه
والتجيت للي عطاني ثم خذاه ،أصلّي***وادعي(يارب إنك برحمه تعُمّه)
آآه ياويلي على ذيك الأيام يوم تجلي***هم صدري يايُبه مني ببسمه
كل هالمواقف جاتني يوم عيدي***قلي بس إنسان عاش هالمواقف كيف عيده ؟!
كنت فرحتي يايُبه وكنت عيدي***ولاعوضني بعدك لا خاله ولا عمّه
ويحسبوني عشت عيدي إيه عشت عيدي***يوم قابلت هذا ببسمه وهذا بضمه
وش ذنبهم يذوقون بعض عيدي***إللي فيه الآهات والآلام جمّه
من حقهم ولو قالوا لي يابنت زيدي***هذا عيدهم واحبابهم حولهم ملتمّه
لكن اللي بقلبي وعاش جوا وريدي***مادرى به إلا الذي خلق هالقلب وتمّه
وانا لليوم أقولك يايُبه إنت عيدي***يوم كلّ الخلايق تبارك لكلٍ بعيده
موضوع: مالي عيد عقبك ياكل عيدي 
الخميس نوفمبر 01, 2007 7:34 am
