++ سواليـــــــــف الشبـــــــــــــــابــــــــــــ ++

السلام عليكم

سوالف وانواع الشباب في الباااص ........


( عشاق الكورة )

نفر (1) :: يا خووك احلى شي عاد لين الريال تصدر الدوري
نفر (2) :: ايه والله .. شفت قول آيتوو عاد شق المرمى شق فديته هالريال
نفر (3) :: روحووو مناك .. بييكم الشبح المدريدي بينثـر هالعيال
نفر (1) :: روح روح .. مدريدك هذيل الحمدلله فازو على الدرجه الثانيه
<--وجعه شكله كتلوني
وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب



( المغازلجـيـه )

نفر (1) :: اااخ يا الحبيب جشفتهااا .. هذي قاعده جمب السواق
نفر (2) :: تقصد هذي ام العباة فيها ستين فراشه ؟!
نفر (1) :: لااا يا حظي .. اللي عباتها الخفاش ..<- -يا أخي متأكد مو السمكه ؟
نفر (2) :: هيه هذي كشخه يابووك بس يقولون ما تعطي ويـه
نفر (1) :: ما عليك منها .. بطيح بطيح ..

عاد الاخو اجيب تاريخ اهلها واجدادها على اساس ان انا اعرفها ترى !




( المطينزجـيـه ) { راعيين التريقه }

نفر (1) :: شووف شووف .. هذي ام عباة راس صدقني بطيح
نفر (2) :: شدراك انها بطيح ؟! الا اذا عينك فـرن
نفر (1) :: يا العله بتشووف احين

" البنت بتنزل من الباص "

نفر (1) :: حجيييييييييه عبااتك

طــــــــم طـــرااااخ ( طيحه على الوجه )

نفر (1) & (2) :: هههههههههه

وتقعد تسب فيهم وتلعن وهم للحين يضحكون عليها




( عشاق الكتب ) { ما يشيل راسه من الكتاب ساعه }


نفر (1) ( قاعد يراجع اخر درس من الماده )
نفر (2) :: وين وصلت اي بوينت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: اوكي ..

ويشرحون لبعض ويدور الباص ويفتر وينزلون الطلبه كلهم وهم للحين في الباص .. لين يجيهم السواق ويقولهم يلاااا فكوني بروح بيتنا



( صبيان على غير العاده " هاذيله في حالهم" )

نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك

انتهت المحادثه .. واحد يطالع من الدريشه والثاني سرحان والا راقد في سابع نومه




( عشاق البتـه و الاونو )

نفر (1) :: العـــــب خل اكسر راسك .. فر لي ورقتين الكلفس
نفر (2) :: عشان اتييك الاكـلـه العدلـه ( يلعبون كوت )
نفر (1) :: يا عمـــي .. بنجوف ترى الجوكـر يايك يايك
نفر (3) :: العب العب حبيبي يقولك جوكر ما عليك منه زين

والصراخ ينسمع للسواق .. ولا كانه احد جمبهم.. ويجوز احيانا ان الكل ينزل الا هم يقعدون بالباص طبعا من عقب شباب مال الدراسـه والكتب




( عشاق الاغانـي والطقطقه )

نفر (1) :: يا مونيتي يا سناااا خاطــــررري وانا احبك يا سلام
نفر (2) :: ياهووو .. هلا هلا روووح
نفر (1) :: ليه الجفااا .. ليه تهجرنــي وانااااا وانا وانا احبك ..
نفر (3) & (4) :: احببببك .. احبببببك يا سلاااااام حبيبي انتـه روووح

مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعـل ! خخخخخخ




( فئة الموضـه )


نفر (1) :: شفت وائل كفوري شمسوي والله عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على جمب والله يطلع كووول

ذيلين مساكين بعد .. اخرة هالقصات بيسوون تسريحة المطربة صباح !



( فئة البناتـيـه ) { الدلوعين }

نفر (1) داس على رجل الثاني عن غير قصد
نفر (2) :: آآآي يعوورني
نفر (1) :: اوه سوري عورتك مره ؟! ؟
نفر (2) :: لا لا خلاص طاب حبيبي
نفر (1) :: لا صدق عورتك ؟ اسف يا قلبي ما كان قصدي اجرح مشاعرك <--يا قلبي ماكان قصدك خلاص خلاص حبيبي لا تزعل

---------------------------------

يلااا قولوا إيش تتكلمون عنه بالباص طلعوا طلعوا الفضايح

مشكوووووور أخوي ع الموضوع

شكر على مرورك

وانتظر ردود باقي الأعضاء

إن شاء الله الكل يرد ومشكوووور أخوي على الموضوع

إن شاء الله يردون

ها يا شباب ترى المدير بيطرد اللي ما يرد

ولا يهمك كل الاعضا يردو ومشكور أوخي على الموضوع






الملقوف المحترم

شكرا على المرور

مع أني أشك أنك رديت علشان خايف من المدير